Бул сайт кыргызча сайттардын каталогу.
Кыргыз тилиндеги сайттардын саны жылдан-жылга өскөнү менен али да алардын саны жетишээрлик эмес. Башка тилдеги сайттардын санынын өсүшү андан да ыкчам. Аны менен катар колдонуучуга кыргызча керектүү сайтты да табуу кыйынчылыкка турат. Каталогдун максаты - ушундай кезде адамга жардам берүү.
Менин байкашымда, ушундай каталогду түзүү аракеттери көп эле жасалып жатат. Бирок же убакыт жетишпегендигиненби, же жалкоолуктанбы, мындай каталогдордогу кыргызча сайттардын саны өтө эле аз. Мен бул каталогду ucoz платформасында ачаардын алдында, өз блогдорумда кыргызча сайттардын топтомдорун түзүп келген элем. Учурда менин жеке блогумда 360ка жакын кыргызча сайттар тууралуу маалыматты топтогонго жетиштим. Менимче, бул интернеттеги эң чоң топтом болуп эсептелет. Эми кезек аны каталогдун талабына жараша иреттөөгө жетти. Эмгегим бирөөнүн керегине жарайт деген үмүттөмүн.
Силерге бул каталог жакса, жардам берсе ал тууралуу маалымат менен досторуңар менен да бөлүшкүлө. Дагы бир сураныч, кимде ким биздин каталогго кирбеген сайттарды байкап калса биз менен бөлүшсөңөр эң жакшы болот эле.
