Биз бүгүн 1 жашка чыктык. Бул көппү, азбы? Жаңыдан бутуна туруп келе жаткан сайт үчүн - көп. Канча сайт бул жашка жетпей "чарчап" калып жатат. Биз чуркап болбосо да, жеттик. 500дөн ашык сайтты топтодук, кыргыз интернет колдонуучуларына сунуштадык. Аз болсо да кыргыз интернетинин өнүгүүсүнө жасаган салымыбыз.
Алдыда дагы жаңы белестер, ашуулар. Бир бололу, чогуу ашалы.
Кыргызча сайттардын топтому гана болуу, менимче, бүгүн жетишсиз. Дагы да башка кызыктуу нерселерди сунуштасамбы дейм. Ойлор көп. Бирок кайсынысын колго алаарымды билбей жатам. Жардамыңар керек. Жакында сурамжылоо уюштурганы жатам. Катышып бериңиздер.
Дагы да бир өтүнүч. Ким бул сайтка кирип, ага жакса, сайтка шилтеме менен башка досторуңар менен да бөлүшсөңөр. Менимче, аларга да кызыктуу болоор. Сайттын өсүшүнө да жардамыңар болот эле.
|